Bota

LIVE/ Digjet katedralja Notre-Dame në Francë


               Publikuar në : 19:36 - 15/04/19 |
Opi Nion

Katedralja Notre-Dame në Paris është përfshirë nga zjarri ditën e sotme.

Mediat vendase, raportojnë se deri më tani nuk ka pasur persona të lënduar, ndërsa zjarrfikëset po punojnë për vënien nën kontroll të flakëve.

Në një postim në Twitter, zëvendës kryetari i parë i Parisit, Emmanuel Gregory shkruan:

“Zjarr në Notre Dame, ne duhet të qëndrojnë larg dhe të largohen të gjithë për të lënë grupet e shpëtimit të ndërhyjnë.”

Sipas informacioneve të para, zjarri ka rënë në pjesën ku po bëhen restaurimet e objektit. Ndërkohë ende nuk dihen saktësisht shkaqet e rënies së zjarrit.

Po ashtu, një nga majat e kishës është rrëzuar për shkak të zjarrit.

Zyrtarët në Paris  janë shprehur se zjarri mund të jetë shkaktuar nga restaurimi që po bëhet në kulmin e kishës.

Projekti i restaurimit kushtoi  6.8 milionë dollarë. Katedralja është një nga shembujt më të mirë të arkitekturës gotike franceze në Evropë dhe një nga ndërtesat më të vizituara në botë.

Notre Dame, që do të thotë ‘Zoja’, u ndërtua në 1160 dhe përfundoi në vitin 1260.

Katedralja e ‘Notre Damit’, prej vitesh është bërë simboli i Parisit. ‘Notre Dame’ është atraksioni më i populluar në kryeqytetin e Francë ku brenda një viti vizitohet nga rreth 13 milion turistë./ Opinion.al E.Xh.

Pas