Gjykata e Krimeve të Rënda ka urdhëruar disa arrestime në komisariatin e Kukësit pas lirimit të kosovarit Naser Gashi. Gjykata ka urdhëruar arrestimin e Agim Bashës, shef i këtij komisariati, i cili ende nuk është arrestuar pasi nuk është gjetur nga efektivët. Basha akuzohet për korrupsion dhe shpërdorim detyre.
Ndërkohë janë arrestuar punonjësit e policisë Kujtim Spahiu, Ferdinand Xhepa dhe Shkëlzen Ibaj të cilët do të hetohen nën masën detyrim paraqitjeje për shpërdorim detyre.
Hetimet për këtë rast nisën pas denoncimit të zëvendësdrejtorit të këtij qarku Shkëlqim Pepkolaj. Sipas të dhënave, shtetasi Naser Gashi është arrestuar në kufirin mes Shqipërisë dhe Kosovës, me dokumente false. Por më pas është liruar për shkelje procedure.
Aktualisht Shkëlqim Pepkolaj është larguar nga Shqipëria, duke kërkuar azil politik së bashku me familjen.
