Aktualitet

Lirimi i protestuesve, reagon policia: Bëjmë padi ndaj gjyqtarit


               Publikuar në : 19:25 - 13/03/19 |
xhu lia

Tre protestuesit që u ndaluan pas përplasjes me policinë e Fierit, në protestën e së shtunës janë lënë të lirë. Gjykata ka vendosur masën e sigurisë “arrest shtëpie” për Pëllumb Isufajn, i cili akuzohet se goditi një efektiv të FNSH-së me gur duke e lënë të plagosur.

Ndërsa është dhënë masa detyrim paraqitje për Enkeled Kafranin dhe Vladimir Zykajn. Gjyqtari Pirro Sota shqyrtoi me kërkesë të avokatit mbrojtës të Pëllumb Isufajt disa pamje filmike dhe doli në përfundimin se ai nuk ka qëlluar me gurë drejt policisë. Por kjo masë ka sjellë reagimin e fortë nga Policia e Shtetit.

Vendimi i sotëm i gjyqtarit të Gjykatës së Shkallës së Parë Fier, Pirro Sota, për të liruar nëpunësin e Bashkisë Mallakastër, që goditi me gur në kokë një punonjës policie në krye të detyrës, ka tronditur të gjithë Policinë e Shtetit. Arroganca, shpërfillja ekstreme e ligjit dhe injorimi flagrant i provave të pakundërshtueshme dhe i raporteve të shërbimit të Policisë së Shtetit, që provonin atë që ka parë tashmë gjithë Shqipëria, janë të papranueshme”, theksohet në një njoftim zyrtar.

Po ashtu policia thotë se do të depozitojë padi penale ndaj gjyqtarit Sota, si dhe do të referojë pranë organeve të Vettingut dokumentacionin që provon absurditetin e vendimit të tij.

Pas