Kreu i opozitës Lulzim Basha ka zhvilluar paraditen e sotme një takim me ekspertë të PD për reformën në drejtësi dhe deputetë demokratë, anëtarë të Komisionit për Reformën.
Në takimin që zgjati rreth 30 minuta, fokus i bisedës ishte ligji për vetingut, një ndër 7 ligjet që i bëjnë të zbatueshme ndryshimet kushtetuese të reformës në drejtësi.
Është parashikuar që brenda muajit gusht të miratohet në Kuvend ligji për vettingun, për të plotësuar paketën kushtetuese e cila u miratua më 22 korrik.
Pas takimit, deputetët Ristani, Bylykbashi e Mediu i janë drejtuar në Kryesinë e Kuvendit për të zhvilluar mbledhjen e Komisionit të Posaçëm për Reformën në Drejtësi.
