Kombëtarja shqiptare do të nisë këtë të diel përgatitjet për dy ndeshjet e fundit të grupit në Ligën e Kombeve ndaj Izraelit dhe Islandës. Trajneri i Kombëtares, Edoardo Reja ka shpallur edhe listën me emrat e 24 lojtarëve që do të grumbullohen për këto dy sfida vendimtare për renditjen e Shqipërisë.
Në portë do jenë Berisha, Strakosha dhe Elhan Kastrati. Në mbrojtje Hysaj, Ajeti, Adrian Bajrami, Ismajli, Doka, Lenjani, Mihaj, Veseli dhe Balliu. Ky është reparti ku Reja do ketë më shumë mungesa pasi Gjimshiti dhe Kumbulla janë të dëmtuar. Në mesfushë Bare, Asllani, Gjasula, Abrashi, Ramadani, Nedim Bajrami, Laçi dhe Çekiçi.
Në sulm Armando Broja Cikalleshi, Uzuni dhe Taulant Seferi.
