Në zyrën e Lulzim Bashës në PD janë mbledhur aletatët e djathtë mbrëmjen e sotme. Takimi urgjent po mbahet pas deklaratës së Kryeministrit Edi Rama, i cili me frymëmarrje të rënduar u foli sot shqiptarëve pas protestës në Rrugën e Kombit.
Duke i cilësuar vandalë ata që dogjën pikën e faturimit, ai tha se do ketë ndëshkime të ashpra. Sakaq akuzoi opozitën si nxitëse të dhunës.
Në orën 20:00 pritet të dalë në konference për mediat, kreu i PD, Basha, ndërsa po vazhdon mbledhja me Monika Kryemadhin, Fatmir Mediun, etj. Burimet thanë se pritet te merret vendim per protestat.
****
Qindra qytetarë nga Shqipëria dhe Kosova kanë protestuar këtë të shtunë kundër taksës për Rrugën e Kombit. Duke e cilësuar “vjedhje” apo “taksë antikombëtare” protestuesit janë përplasur me policinë, u vunë flakën sporteleve te pagesave në Kalimash dhe kanë hedhur gurë.
Nga përleshjet e dhunshme mes protestuesve dhe policisë ka pasur të lënduar dhe të plagosur nga të dy palët. Raportohet për 14 efektivë policie te plagosur dhe 12 qytetarë – protestues të lënduar.
Gjatë pasdites qarkullimi i mjeteve ka vijuar normalisht, por në mungesë të sporteleve asnjë automjet nuk ka paguar taksën e rrugës që lidh Tiranën me Kosovën.
/Opinion.al
