Aktualitet

Lëvizje në krerët e prokurorive, KLP vendos për Arta Markun


Bëhu pjesë e Grupit Zyrtar të Opinion.al
>> KËTU <<
               Publikuar në : 15:44 - 30/09/20 |
Al Do

Këshilli i Lartë i Prokurorisë zhvilloi sot në mesditë mbledhjen plenare të radhës në të cilën vendosi për disa lëvizje në prokuroritë e rretheve.

Sipas njoftimit zyrtar, ish-kryeprokurorja Arta Marku është caktuar përkohësisht në pozicionin e prokurorit të Prokurorisë pranë Gjykatës së Apelit Tiranë.

U vendos gjithashtu që drejtues i Prokurorisë së Lushnjës të jetë përkohësisht Arben Dyla ndërsa në krye të prokurorisë së Fierit do të jetë përkohësisht Violeta Shkurta.

Pas verifikimit të kushteve dhe kritereve ligjore të emërimit, pasurisë, figurës dhe integritetit, Këshilli vendosi kualifikimin për emërim të dy kandidatëve për magjistratë në profilin prokuror, znj. Enkeleda Hoxha dhe z. Gazmend Frëngu pas diplomimit në Shkollën e Magjistraturës në vitin akademik 2019-2020.

Më shumicë votash, Këshilli miratoi raportet për analizimin e aftësisë profesionale të subjektit të rivlerësimit Ervin Beqiri, Petrit Hysa dhe Lindita Male (Ziguri) dhe projekt-aktin për mbarimin e statusit, për shkak dorëheqje, të magjistratit znj. Rabiana Halili, aktualisht prokurore në Prokurorinë pranë Gjykatës së Shkallës së Parë Durrës./ Opinion.al

Pas