Ministria e Brendshme njoftoi ditën e djeshme arrestimin e 17 personave të cilët dyshohet se kanë lejuar ndërtimin e godinave pa leje në Durrës, Manëz dhe Shijak.
Mes të arrestuarve janë dy shefa policie, efektivë policie, inspektorë vendor apo përfaqësues të pushtetit lokal dhe ndërtues.
Sot janë zbardhur emrat e 13 prej tyre.
Besnik Domi, Shef i Rendit, Shijak, Sami Xhafa, Shefi Stacionit të Policisë, Manze, Ermal Petova, OPGJ, Manze, Nikollë Marku, OPGj, Manze, Agim Osmani, Ndihmës Specialist Policia, Durrës, Gani Dama, Polic patrulle (në kërkim), Haxhi Sherra, Ndihmës specialist i komisariati, Shijak, Petrit Neziri, Ndihmës Specialist Policia, Manze, Ndriçim Shika, Ndihmës Specialist, Policia, Shijak, Gjergji Gerco, Sekretar Njësisë Administrative, Sukth. Jul Kacadej, Specialist IMT, Shijak, Marjus Shahini, Kryeinspektor IMT, Shijak, Adem Lika , Ndërtues
Këta persona akuzohen për shpërdorim detyre.
“Shpërdorimi i detyrës dhe veprimtaria e kundraligjshme dyshohet se është shtrirë përgjatë vitit 2019 në vende dhe kohë të ndryshme. Veprimet dhe mos-veprimet e tyre konsistojnë në favorizime të ndërtimeve pa leje, falsifikime dokumentesh, fshehje dhe manipulim të ngjarjeve, pengimin e zbulimit të së vërtetës dhe fakteve kriminale, mos-raportime të ngjarjeve kriminale, mos evidentim të kallzimeve të shtetasve sipas detyrimeve ligjore etj”, njoftoi ditën e djeshme Ministria e Brendshme. /Opinion.al
