Aborti në Irlandën e Veriut është dekriminalizuar, që do të thotë që vajzat dhe gratë që duan të ndërpresin shtatzëninë mund t’a bëjnë pa patur frikën se do të procedohen penalisht. Gjithashtu janë legalizuar edhe martesa e së njëjtës gjini.
Këto ndryshime në legjislacion kanë hyrë në fuqi këtë të martë. Martesat e para të çifteve të së njëjtës gjini do të mund të nisin nga muaji shkurt i vitit të ardhshëm.
Ndërkohë deri në fund të muajit mars qeveria duhet të nxjerrë një rregullore për ofrimin e shërbimeve të abortit.
Në maj të vitit të kaluar qytetarët e Irlandës së Veriut kanë votuar referendumin për të shfuqizuar një pjesë të Kushtetutës, e njohur si ‘Amendamenti i Tetë’, e cila e ndalonte ndërprerjen e shtatzënisë.
Ky Amendament ishte përfshirë në Kushtetutë pas një referendumi të vitit 1983, i cili i njhite të “të drejtën për të jetuar të të palindurit”.
Aborti në Irlandën e Veriut deri më sot është lejuar vetëm kur jeta e gruas shtatzënë ka qenë në rrezik, por jo në rastet e përdhunimit, incestit ose problemeve të fetusit./Opinion.al/
