Deputeti Lefter Koka ka mbështetu opozitën parlamentare lidhur me çështjen e reformës zgjedhore.
Në një intervistë telelvizive, ish-ministri i Mjedisit ka deklaruar se mbështët vendimin për të mos votuar draftin e Reformës Zgjedhore.
Koka ka theksuar se kërkesat e opozitës parlamentare janë legjitime dhe sipas tij drejtuesit politikë duhet të votohen me lista të hapura.
“Pavarësisht pozicionimit tim politik sot, mendoj se kërkesat e grupeve parlamentare opozitare janë legjitime e në shërbim të vendit, besoj se dhe pjesëmarrësit në atë tavolinë mendoj se ishte qesharake. Duhet njëherë të vetme drejtuesit politikë të votohen dhe ata me lista të hapura, vlen për përfaqësimin e parlamentit e vetë partitë e tyre. Përsa i përket komisioneve mjaft me përfaqësues legjendar nëpër komisione, e do shtoja se dhe koalicionet para zgjedhore nuk prodhojnë përfaqësim real, ndaj unë përkrah e inkurajoj opozitën me vendosmërinë dhe i inkurajoj”, është shprehur Koka.
Lefter Koka është një nga deputetët e LSI që nuk dogji mandatin kur partia e tij vendosi të dalë nga Parlamenti. /Opinion.al
