Një protestë është njoftuar sot lidhur me vdekjen e të riut Lear Kurti pas ndalimit që ju bë nga Policia e Shtetit. Është kreu i PD Sali Berisha që njofton protestën përmes rrjeteve socialem ku akuzon Kryeministrin Rama dhe Ministrin e Brendshëm Çuçi.
“Sot, në ora 18:00, protestë e fuqishme për vdekjen me dhunë të të riut, Lear Kurtit nga policë banditë të droguar të Ramës-Çuçit, dhe vrasjen e tij për së dyti nga krimineli i tyre me uniformë, Ardi Veliu”, shkruan Berisha.
Ndërkohë në një baner të publikuar për këtë qëllim bëhet me dije se protestën e thërrasin të rinjtë, me nënshkrimin: Learin e vrau policia./Opinion.al
