-Kulturë

“Le Figaro” 1914/ Kur Perandori austriak dekoronte Esat Pashën


               Publikuar në : 10:41 - 14/01/20 |
el ida

“Le Figaro” ka botuar, të dielën e 1 marsit 1914, në faqen n°2, një shkrim në lidhje me pritjen e Esat Pashë Toptanit dhe delegacionit shqiptar nga Perandori austriak, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Esat Pasha tek Perandori i Austrisë

Vjenë, 28 shkurt.

Perandori priti, në orën një të pasdites në Schönbrunn, Esat Pashën dhe shtatëmbëdhjetë anëtarë të delegacionit shqiptar, në audiencë të veçantë.

Ai dekoroi Esat Pashën më kryqin e madh të urdhrit të Franz-Jozefit.

Esat Pasha dhe delegacioni shqiptar drekuan në orën dy në shtëpinë e kontit Berchtold, Ministrit të Punëve të Jashtme të Austro-Hungarisë.

“Neue Freie Presse” thotë se Perandori i drejtoi fjalët e mëposhtme delegacionit shqiptar në fund të pritjes që bëri për të :

“Unë isha shumë i lumtur që ju takova dhe shpresoj që tani ju do të bashkoheni dhe do të punoni të lidhur për atdheun tuaj. Nëse shqiptarët janë të bashkuar, prosperiteti i Shqipërisë është i sigurtë.”

Nga Aurenc Bebja, Francë, Blogu © Dars (Klos), Mat – Albania,: https://www.darsiani.com/la-gazette/le-figaro-1914-perandori-austriak-dekoroi-esat-pashen-me-kryqin-e-madh-te-urdhrit-te-franz-jozefit/

Pas