Një 24-vjeçar shqiptar ka mbetur i plagosur si pasojë e përleshje me armë mes bandash shqiptare rivale në Itali.
Sipas mediave italiane gjithçka çfarë ka ndodhur është ende e paqartë. Shkëmbimi me armë ka ndodhur mbrëmjen që lamë pas në Tortoreto dhe flitet për një larje hesapesh mes shqiptarësh.
Nga ky shkëmbim zjarri një 24-vjeçar shqiptar është plagosur në këmbën e djathtë. Ai është dërguar menjëherë në spital dhe gjendja e tij është jashtë rrezikut për jetën.
Ndërkohë dëshmitarë të kësaj ngjarje janë shprehur:
“Bëhet fjalë për një shkëmbim zjarri që ndodhi mbrëmjen e sotme në Tortoreto. Djali pasi është plagosur që është zvarritur deri në lokalin që ndodhet në anën tjetër të rrugës dhe më pas ka kërkuar ndihmë për t’u transportuar në spital.”
Policia është ende duke hetuar për rrethanat e ngjarjes./Opinion.al/
