Ish-kryeministri Sali Berisha në një deklaratë për mediat mëngjesin e sotëm u pyet nga selia e Kuvendit edhe për vendimin e deputetit Agron Shehaj për t’u larguar nga grupi parlamentar i Partisë Demokratike.
Teksa tha se respekton vendimin e tij, Berisha zbardhi detaje nga biseda me Agron Shehajn.
“Deputeti Agron Shehu është një deputet si çdo deputet tjetër ka gjykimin e tij dhe në këtë aspekt respektoj mendimin e çdo deputeti. Unë kam folur, i kam thënë që respektoj vendimin e tij. I kam thënë në mënyrë më miqësore që ke kontribute të pamohueshme dhe kontributet tua më shumë se këtu nuk marrin peshë kund tjetër. Njeriu që nuk frikëson tjerët, nuk frikësohet vetë. Do ketë zhvillime”, tha Berisha.
Deputeti Agron Shehaj deklaroi mbrëmë në studion e emisionit “Opinion” në Tv Klan se është tërhequr nga PD pasi nuk është dakord me vendimet që janë marrë./Opinion.al
