Italia ka regjistruar 165 viktima nga koronavirusi, në 24 orët e fundit. Kjo shënon një rënie, krahasuar me ditën e djeshme, kur kjo shifër ishte 194.
Ndërkohë, rënie ka shënuar dhe numri i rasteve të reja, me 802 infeksione.
\Italia ka numrin e tretë më të lartë të vdekjeve të regjistruara zyrtarisht të koronavirusit në botë, pas Shteteve të Bashkuara dhe Britanisë së Madhe.
Megjithatë, vendi ka filluar të lehtësojë kufizimet. Këtë javë, italianët kanë qenë në gjendje kryenin ushtrime fizike në natyrë për herë të parë pas disa javësh. Ata kanë qenë në gjendje të vizitojnë të afërmit brenda rajonit të tyre.
Kishat katolike po përgatiten për rihapjen në 18 maj, por do të ketë distancë të rreptë sociale dhe besimtarët duhet të veshin veshje mbrojtëse. Besime të tjera gjithashtu do të lejohen të mbajnë shërbime fetare.
Sidoqoftë, shkollat, kinematë dhe shumica e dyqaneve do të qëndrojnë të mbyllura dhe të gjitha tubimet publike janë akoma të ndaluara. Bare dhe restorante do të fillojnë të lejojnë klientët të ulen në tavolina në qershor. /Opinion.al
