Është folur gjatë për ndarjen mes këngëtares Lady Gaga dhe agjentit Christian Carino. Këngëtarja i dha fund fejesës së saj pak përpara ndarjes së çmimeve Oscar duke i habitur shumë fansat e saj.
Më pas në media u publikuan lajme se arsye për ndarjen ka qenë presioni që agjenti ushtronte ndaj Gagës sa i përket jetës profesionale.
Por duket se fakte të reja janë publikuar nga mediat që kanë theksuar se Gaga i ka kërkuar ish të fejuarit të mos e telefonojë më:
“Lidhja e tyre ishte kthyer në toksike, çka e bën edhe më të vështirë marrëdhënien tani pas ndarjes. Ajo i ka kërkuar të mos e kontaktojë më, pas sjelljeve të tij posesive,”-shkruan Us Weekly.
Ndonëse për Gagën aludohet se është në një lidhje të re me aktorin Jeremy Renner, ende nuk ka një konfirmim apo mohim nga asnjëri prej tyre./Opinion.al/
