Zelanda e Re ka treguar ndër rezultatet më të mira në botë, në parandalimin e përhapjes së koronavirusit të ri.
Vendi raporton aktualisht vetëm një rast aktiv me COVID-19.
Ndër masat e para që mori qeveria e Zelandës së Re, ishte mbyllja e plotë e kufijve, më 25 mars. Në atë kohë, nuk kishte asnjë viktimë të shënuar nga sëmundja dhe në të gjithë vendin ishin vetëm 100 raste aktive me koronavirus.
Deri më tani në Zelandën e Re janë regjistruar gjithsej 1,500 raste të infektuarve dhe 22 vdekje.
Muajin e kaluar, zyrtarët thanë se vendi kishte fituar betejën kundër pandemisë.
Masat e izolimit janë lehtësuar duke lejuar tubimin e deri 100 personave. /Opinion.al
