Kuvendi i Kosovës ka anuluar vazhdimin e seancës së nisur me 23 qershor, për shkak të situatës së krijuar, pas paraqitjes së aktakuzës nga ana e Prokurorisë Speciale në Hagë ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli.
Sot, do të diskutohej për dialogun mes Kosovës dhe Serbisë por Kryesia e Kuvendit ka vendosur të shtyjë vijimin e seancës.
Presidenti Thaçi dhe kryeministri i Kosovës, Avdullah Hoti kanë anuluar pjesëmarrjen në takimin e planifikuar të mbahet më 27 qershor në Shtëpinë e Bardhë, mes delegacioneve të Kosovës dhe Serbisë./Opinion.al
