Kuvendi i Shqipërisë ka miratuar me 117 vota pro dhe 3 abstenime kërkesën e SPAK për arrestimin e Arben Ahmetajt.
Sipas të dhënave, rezulton se tre prej deputetëve të cilët kanë abstenuar janë: Vangjel Dule, Agron Duka dhe Fatmir Mediu.
Në këtë formë Kuvendi i heq imunitetin deputetit Arben Ahmetaj dhe i hap rrugë SPAK për arrestimin e tij.
Arben Ahmetaj nuk ishte i pranishëm në Kuvend ndërsa pak para se Kuvendi të mblidhej përmes një mesazhi të postuar në rrjetet sociale ku falenderon kolegë e qytetarë për mbështetjen ndaj tij si dhe njofton se nuk është arratisur por është larguar për arsye familjare.
Kujtojmë që deri më tani ende nuk dihet se ku ndodhet ish-kryeministri, i cili është larguar nga Shqipëria para pak ditësh.
Arben Ahmetaj po hetohet nga Prokuroria e Posaçme për tre akuza “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”./Opinion.al
