Ka nisur këtë të enjte seanca plenare në Kuvendin e Shqipërisë ku pritet të diskutohet projektligji për miratimin e buxhetit faktit të vitit 2020 si dhe projektligji për ratifikimin e marrëveshjes së garancisë për një hua midis OSHEE dhe BERZH-it.
Në nisje të seancës ka qenë kreu i grupit Parlamentar të PD-së, Alfred Rrushaj që ka kërkuar ndryshimin e rendit të ditës dhe diskutimin në Kuvend të ngjarjes të ndodhur në Krujë ku janë helmuar shumë qytetarë.
Për këtë kërkesë të opozitës ka replikuar me Rrushaj , kreu i Grupit Parlamentar të PS, Taulant Balla, i cili ka thëne se nuk mund të ndryshohet rendi i ditës.
Debati
Alfred Rushaj: Depozituam një kërkesë. Ka një ngjarje të rëndë në Krujë. Janë qindra qytetarë qëjanë detyruar që të shkojnë në spital. Kërkojmë që të ndryshohet rendi i ditës dhe të vendoset pikë e parë, situata në Krujë.
Balla: Nuk hyn dot në rendin e ditës sepse nuk ka një interpelancë për këtë çështje.
Rushaj: Kërkuam që kjo seancë të fillojë më diskutime për atë ngjajrë që është shumë e rëndë. Në këtë Kuvend kemi deputetë që përfaqësojnë qytetin.
Balla: Nuk e ndryshojmë rendin si ta keni oreksin ju. Çështjet që diskuton Kuvendi nuk janë debate kafenesh. Nuk duhet politizuar ajo ngjarje. Le të presim të bëhet detyra dhe kërkoni një interpelancë secilën prej ministrave. Zonja kryetare nuk kemi çfarë votojmë. Mos të kthehet në praktikë, që bëhet debat për një çështje.
Rushaj: Unë propozoj që ta hedhim në votë dhe të ndrshojmë rendin e ditës për këtë ngjarje shqetësuese.
Nikolla: Mirë është që të presim përgjigjen e organeve kushtetuese. Është edhe në nderin tuaj për të mos bërë politikë me këto situata. Nuk është koha që të ndryshojmë rendin e ditës.
