Kreu i Partisë Demokratike, Sali Berisha, ka folur sërish në seancën plenare të ditës së sotme. Ai është shprehur se ky parlament është i mbushur me Dumanë.
Po ashtu kreu i PD hodhi akuza edhe ndaj kryeparlamentares Lindita Nikolla, për të cilën tha se e drejton parlamentin si dyqan rrobash. Berisha po ashtu nënvizoi se “nuk ka Kushtetutë që nuk shkel zonja për të mbrojtur Edi Ramën”.
“Ky parlament në 31 vite është parlamenti më i neveritshëm në përbërjen e tij. Është i mbushur me Dumanë, megababagjyshër. Ky parlament si kurrë ndonjëherë në historinë 31-vjeçare ka drejtimin më banal, funksionon si dyqani personal i Lindës, që po të ishte për veshje personale, do preferoja i zhveshur të rrija dhe të mos blija kurrë.
Nuk ka Kushtetutë që nuk shkel zonja për të mbrojtur Edi Ramën. Do mbetet famëzi sepse me votën e pseudomazhorancës, dorëzimin për herë të parë të të gjitha pushteteve. Ekzekutiv, legjislativ, gjyqësor. Mbi të gjitha pyes veten se sim und të rri në një sallë me një njeri që e shndërroi Tiranën në Beogradin e vogël.
Ka rrethuar Kosovën me projektin ruso-serb. Një njeri që refuzon të njohë genocidin në Srebrenicë, nuk stepet përpara masakrës. Çdo ditë unë e pyes veten se sim und të rrij në një sallë me një njeri që ka interest serbe dhe antishqiptare. Kushdo që dëgjon këto vlerësime mund të pyesni, çfarë do ti Sali në Parlament. UInë do vij këtu se këta qeveritarë vetëm ju masshtrojnë. Këta ministra, me kkreun e tyre në çdo firmë që hedhin, vetëm ju vjedhin”, tha Berisha.
