Taulant Balla, kryetari i Grupit Parlamentar të PS-së, është shprehur se Gjermania është drejtë rrugës për të dhënë një votë pozitive për çeljen e negociatave me Bashkimin Europian.
Përsa i përkëtë lajmeve se Shqipërisë i janë vënë kushte të reja për çeljen e negociatave Balla është shprehur se vendosja e kushteve në hapjen e negociatave janë diçka normale.
“Fakti që motori politikëbërjes së Europës që është Gjermania dhe vendeve të tjera po shkojnë drejt një PO-je, kjo është një arritje historike. Balla ka folur dhe në rast se BE merr vendim për të çelur negociatat me kushte. Në historinë e procesit të bisedimeve me vendet anëtare , gjithmonë fillimi i bisedimeve ka çështje prioritetesh. Kërkohen reforma në të gjithë sektorët, Shqipëria ka një avantazh ndër vendet e tjera, se kapitujt e parë dhe që do mbyllen të fundit për shtetin e së drejtës dhe lufta kundër krimit të organizuar. Gjithmonë procesi procesi i integrimit europian shoqërohen me standarde dhe kushte që vendet anëtare duhet ti përmbushin. Edhe vendet që janë sot anëtare të BE-së, gjatë kohës që shoqërohen me kushte për të hyrë në Shengen shoqërohen me kushte”, tha Balla.
I pyetur nëse një nga kushtet për integrimin e Shqipërisë është dhe arrestimi i “peshqve” të mëdhenj, kryetari i Grupit Parlamentar të PS-së ka thënë vetëm që drejtësia që do të vij si rrjedhojë e reformës duhet të jetë e pavarur, gjë e cila sipas tij, do të finalizohet me ngritjen e SPAK dhe BKH.
Ai është pyetur nëse ka qenë kushte arrestimi i peshqve të mëdhenj të politikës apo zyrtarëve, por Balla ka thënë se Drejtësia e re duhet të jetë e pavarur dhe kjo do të finalizohet edhe me krijimin e SPAK dhe BKH.
“Funksioni i Drejtësisë sëre nuk behët me plan apo me numra funksionarësh, apo përfaqësuesit e lartë. Drejtësia duhet të funksionojë e pavarur dhe kjo do të arrihet dhe falë ngritje së SPAK dhe BKH”, tha Balla
Përsa i përketë reformës zgjedhore, Balla është shprehur se ajo do të realizohet me bashkëpunimin e Partisë Demokratike dhe partive të tjera.
“Dëshira jonë ka qenë gjithmonë që reforma zgjedhore të kryhet me dakordësinë e një spektri të gjerë të politikës shqiptare. Përpjekjet për të arritur konsensus me PD-në vazhdojnë, kemi një tryezë javën tjetër dhe që do dëgjojmë mendimet e të gjitha forcave.Askush nuk duhet të mbaj peng reformën zgjedhore. Zgjedhjet e ardhshme duhet të behën me një kod të reformuar”,-është shprehur Balla./ Opinion.al E.Xh.
