Bota

Kush janë dy kandidatët që kërkojnë postin e kryeministrit në Britani



Bëhu pjesë e Grupit Zyrtar të Opinion.al
>> KËTU <<
               Publikuar në : 17:40 - 20/07/22 |
Opi Nion

Partia Konservatore në Britani të Madhe ka zgjedhur Rishi Sunak dhe Lizz Truss, si dy kandidatë në zgjedhjet për të zëvendësuar kryeministrin Boris Johnson.

Këta emra kanë dalë pas votimit të zhvilluar të mërkurën. Ministrja e Tregtisë, Penny Mordaunt, ka dalë e treta dhe si e tillë është eliminuar nga gara.

Në garë përballen Sunak, ish-shef i Thesarit britanik, që ka udhëhequr ekonominë e Britanisë përgjatë pandemisë së koronavirusit, kundër Truss, e cila në pozitën e ministres së Jashtme, ka qenë në krye të qëndrimit britanik ndaj pushtimit rus në Ukrainë.

Të dy kandidatët do të bëjnë fushatë në javët në vijim për të bindur rreth 180,000 anëtarët e Partisë Konservatore me të drejtë vote.

Fituesi i zgjedhjeve do të bëhet publik më 5 shtator, dhe kushdo që merr kryesimin e partisë, e merr me automatizëm edhe pozitën e kryeministrit.

Johnson, i cili ka dhënë dorëheqje më 7 korrik, pas disa muajsh të skandaleve etike, vazhdon të jetë në krye të Qeverisë britanike, derisa t’i zgjidhet pasardhësi.

 

Pas