Kënga “In my feelings” e Drake po bën namin që prej ditës kur u publikua dhe akoma më shumë u përhap prej sfidës në të cilën duhej të kërceje jashtë makinës nën ritmet e “Kiki do you love me”. Ndonëse Drake e përmend shumë herë Kikin në këngë, deri më sot identiteti i saj kishte mbetur enigmë.
Në një teori që po qarkullon me shpejtësi në Twitter thuhet se “Kiki” është Kim Kardashian pasi edhe familja e quan seksbombën me këtë emër.
“Drake na ka treguar me muaj se ai ka fjetur me Kim K, por ne nuk e kemi dëgjuar”, thuhet në një postim në Twitter. Sipas këtij personi kënga “8 out of 10” në albumin “Scorpion” të Drake tregon sesi reperi e ka pasur gruan e Kanye Westit, pra Kimin. Gjithashtu Drake flet edhe për afërsinë e shtëpisë së tij me atë të familjes Kardashian.
