Rajoni

Kurti:Nuk ka Lëvizje pa popull, kurse në Kosovë populli është bërë lëvizje


Bëhu pjesë e Grupit Zyrtar të Opinion.al
>> KËTU <<
               Publikuar në : 15:34 - 11/06/20 |
Al Do

Lëvizja Vetëvendosje pritet të mbajë nesër tubim në sheshin “Skënderbeu” në Prishtinë.

Një ditë para këtij tubimi, lideri i VV-së, Albin Kurti, përmes një videomesazhi i është drejtuar të gjithë qytetarëve të vendit duke i ftuar në këtë tubim për të cilin tha se i kanë dy arsye.

Për shkak të 21 vjetorit të çlirimit të vendit dhe 15 vjetorit të themelimit të Lëvizjes që ai drejton.

Në këtë adresim, Kurti thotë se gjatë këtyre 15 vjetëve kanë bërë një opozitë të paparë ndonjëherë, ndërsa për katër muaj kanë dëshmuar që e bëjnë qeverisjen mirë si askush tjetër.

Ai nuk ka lënë pa përmendur edhe zgjedhjet e ardhshme duke i cilësuar ato si zgjidhje për situatën në Kosovë. Kurti shton se në zgjedhjet e ardhshme VV-ja do të fitojë “mbi shumën e të tjerëve”, pra më shumë se gjysmën e mandateve të deputeteve të Kuvendit.

Në këtë përvjetor të dyfishtë ne ndodhemi në situatën që kërkon durim dhe zgjidhje. Durim për ta tejkaluar pandeminë COVID-19 që nuk ka kaluar dhe zgjidhje duke hyrë në zgjedhjet që po vijnë. Në këto 15 vite kemi dëshmuar se e bëjmë opozitën fuqishëm si askush më parë. E sivjet kemi dëshmuar që e bëjmë qeverisjen mirë si askush tjetër. Ne po rritemi shumë sepse në zgjedhje të tjera do të fitojmë mbi shumën e të tjerëve. Nuk ka Lëvizje pa popull, kurse në Kosovë populli është bërë lëvizje. Ejani nesër në këtë tubim paqësor, me muzikë e fjalime. Ejani masivisht në 15 vjetorin tonë, teksa kujtojmë edhe 21 –vjetorin e çlirimit të vendit dhe çmimin e lartë që paguan breza të tërë që ne të jetojmë shumë më mirë se sot”, ka thënë Kurti. /Opinion.al

Tubim publik paqësor, të premten, në sheshin "Skënderbeu", në ora 17:00

Tubim publik paqësor, të premten, në sheshin "Skënderbeu", në ora 17:00, për të shënuar 21 vjetorin e çlirimit të Kosovës e 15 vjetorin e formimit të VETËVENDOSJE!-s.

Publiée par Albin Kurti sur Jeudi 11 juin 2020

 

Pas