Presidenti Ilir Meta ka folur në intervistën e sotme në SYRI.net edhe për marrëdhëniet me kryeministrin Edi Rama.
I pyetur nga gazetari Çim Peka se kur është takuar me kryeministrin Rama, presidenti Meta është shprehur se takohet kur i jepet mundësia.
‘Jemi takuar dhe takohemi sa herë na jepet mundësia. Do të përpiqem ta verifikoj që të jem i saktë, sepse pastaj ju të kritikoni fort.
Fakti që nuk po jap një përgjigje të saktë është se kjo nuk është shumë e rëndësishme, unë mesazhet e mia i jap vazhdimisht, komunikoj me letra me shkresa’, u shpreh presidenti Ilir Meta në studion e emisionit ‘FAKT’ në SYRI.net.
I pyetur nga gazetari Peka në lidhje me takimet me politikanë të tjerë të lartë në Shqipëri, Presidenti Meta dha këtë përgjigje:
Unë takohem me të gjithë ata që më lidh puna për shkak të funksionit apo me të gjithë ata që duan të më takojnë.
