Pak ditë më parë Shqipëria u trondit nga një seri tërmetesh, ku më i forti ishte 5.8 ballë, i cili la pas persona të plagosur si dhe dëme të konsiderueshme materiale.
Ish-kryeministri Sali Berisha, i ftuar në një intervistë televizive teksa ka folur për situatën politike në vend është pyetur dhe se ku ndodhej ai në momentin që u regjistruan lëkundjet e tërmetit.
Berisha është shprehur se në momentin që tërmeti goditi vendin, ai kishte qenë në banesën e tij në kat të dytë duke lexuar një libër.
Ish-kryeministri tha se ai nuk ishte frikësuar dhe se pas lëkundjes së fortë ka dalë jashtë banese, ndërsa lëkundja e dytë e kishte gjetur atë jashtë shtëpisë.
“Tërmeti më zuri në shtëpi, në kat të 2-të. Për çudi nuk u tremba. Rastisi që nuk u tremba, sepse nuk e marr vesh as vetë. Po lexoja, e mbylla librin dhe dola jashtë. I dyti më gjeti jashtë”, deklaroi ish-kryeministri./ Opinion.al E.Xh.
