Kanë dalë pamjet e operacionit “Trinom”, të zhvilluar në burgjet e Elbasanit, Peqinit, Drenovës dhe “313” në Tiranë, si rezultat i të cilit u arrestuan 26 persona dhe 2 gra të cilat u lanë në “arrest shtëpie”.
Në pamjet filmike shihet se policia arreston në banesë disa prej të akuzuarve, ndërsa ka sekuestruar edhe tufa me 200 lekësha dhe 1000 lekshe. Në mesin e të arrestuarve ka edhe shumë zyrtarë të burgjeve të cilët fusnin në qelitë e të ndaluarve apo të dënuarve lëndë narkotike.
Autoritetet bënë me dije se të arrestuarit në bashkëpunim me njëri-tjetrin dhe me punonjësit e sistemit të burgjeve, merrnin dhe transmetonin porosi të cilat cenojnë rëndë sigurinë e burgjeve, por dhe sigurinë kombëtare, si dhe në disa raste furnizonin me lëndë narkotike dhe sende të tjera të ndaluara, të dënuarit apo të paraburgosurit.
Të gjitha këto veprime kryheshin kundrejt përfitimeve, duke shpërdoruar detyrën apo me anë të ushtrimit të ndikimit të paligjshëm ndaj zyrtarëve që ushtrojnë funksione publike./Opinion.al
