Pasi kreu i qeverisë Edi Rama e bëri kryenegociatore dhe Ministre Shtetit pranë kryeministrit, Majlinda Dhuka ka dhënë porositë e para për stafin e saj.
Përkrah Ramës, gjatë një takimi me grupin e negociatorëve të Shqipërisë në BE, Dhuka theksoi përgjegjësinë për detyrën e re.
Ajo kërkoi nga stafi bashkëpunim dhe rezultate përsa i përketë procesit të integrimit të Shqipërisë në BE.
“Faleminderit për besimin tuaj dhe të qeverisë shqiptare. Është me përgjegjësi të lartë që e nis detyrën time sot. Të dashur kolegë, kërkoj bashkëpunim, shpejtësi, progres, rezultat. Me shumicën prej jush kam punuar edhe më herët. Momenti është historik, besimi qe na është dhënë është i veçante, do t’ju lutesha për bashkëpunim maksimal”,-tha ajo.
