Kryetarja e LSI-së Monika Kryemadhi, ka folur në lidhje me situatën politike në Shqipëri, ndërsa nuk ka kursyer vlerësimet e saj për Presidentin Ilir Meta.
Gjatë një interviste televizive, Kryemadhi është shprehur se Meta është një vizionar dhe shtetar në politikë, i cili ka dhënë shansin dhe mundësinë Ramës për ta futur në rrugën e legjitimitetit.
Kryetarja e LSI ka thënë se Meta do vijojë deri në fund të japë oksigjen Ramës , spasi sipas saj, Meta është gjithmonë për funksionimin mekanizmave.
Ajo foli dhe për tryezën e OSBE për reformën zgjedhore, të cilën e cilësoi si një kurth për t’i treguar parlamentit gjerman se opozita nuk do bashkëpunim.
“Meta do vijojë deri në fund të japë oksigjen Ramës , se Ilir Meta është gjithmonë për funksionimin mekanizmave. Meta gjithmonë i ka dhënë shansin dhe mundësinë Ramës për ta futur në rrugën e legjitimitetit dhe për t’i dhënë oksigjen për ta ulur në tryezën e bisedimeve dhe jemi të lumtur që nuk pranoi më 8 qershor.Tryeza e OSBE ishte një kurth, që t’i thoshte Bundestagut që opozita nuk desh. Tha nuk flas me përkthyes, por ai ka 6 vjet që flet me përkthyes. Monika del mbi ujë kur nuk ka elementë tjetë që zgjidh, kur ka momente të vëvshtira. Në periudhë paqe, Monika vdes dhe lulëzojnë të tjerët, ndërsa në luftë ata rreth e qark Metës bëhen me kundërshtarin dhe Monika mban llogoren. Ilir Meta është shtetar, është njeriu që nuk e ka pranuar djegien e mandateve dhe do ma përmendë deri ditën që do mbyll sytë sepse është kundër këtij procesi, sa radikal është për qëndrime me sovranitetin aq dhe radikal është për ruajtjen e institucioneve edhe stabilitetit. Kjo do ishte gjë shumë e mirë për mua, sepse do ta nxirrte nga korniza e Presidentit dhe e paanshmërisë dhe shqiptarët do shihnin një pozicion tjetër të tij ku ai jep dhe më shumë dhe do krijonte hapësira për të ndërgjegjësuar ndërkombëtarët, se mban pozicion të distancuar. Bashkëpunimi Meta-Basha nuk eksiton, se po të ishte do ishte rezultati i 2011. Pozicionimi i Metës si president e mban të distancuar jo vetëm nga Basha, por edhe nga unë. Ka munguar kimia mes tyre”,-tha Kryemadhi./ Opinion.al E.Xh.
