Kryesore

Kryemadhi: Qeveria të ndërpresë menjëherë kontratën e inceneratorit të Tiranës


Bëhu pjesë e Grupit Zyrtar të Opinion.al
>> KËTU <<
               Publikuar në : 19:44 - 12/04/22 |
el ida

Kryetarja e LSI Monika Kryemadhi ka ngritur pikëpyetje lidhur me vazhdimin e pagesave ndaj inceneratorëve, ndërsa ka kërkuar nga qeveria ndërprerjen e kontratës për Tiranën. Duke paralelizuar me HEC-in e Kalivaçit, ajo tha se kur qeveria ka vullnet e ndërpret një kontratë konçensionare.

“Edhe ky është një fakt shtesë, që tregon pse nuk i ndalon Edi Rama pagesat ndaj kompanisë së inceneratorit të Tiranës, që pronarët i ka në arrati se i kërkon SPAK-u për dy inceneratorët e tjerë. Qeveria shqiptare ka treguar në rast të ngjashëm, se kur ka vullnet, e ndërpret një kontratë koncesionare.

Kemi rastin e HEC-it të Kalivaçit në vitin 2017, që për mos përmbushje kontrate, është ndërprerë në mënyrë të një anshme kontrata nga ana e qeverisë. Dhe është fituar në Arbitrazh. Ironikisht edhe atëherë, arsyetimi për ndërprerjen në mënyrë të njëanshme të kontratës, ka qenë mospërmbushja e detyrimeve kontraktuale nga ana e koncesionarit. I njëjtë është rasti i tanishëm me inceneratorin e Tiranës. Pse nuk e ndërpresin kontratën? Cfare presin? A po digjet sot?

Mirë Elbasani që janë marrë të gjitha paratë, ndërsa Fieri 98% është paguar, po Tirana që vijon thith paratë e qytetarëve? Cfarë pret qeveria? Ajo duhet ndërprerë menjëherë si kontratë koncesionare, por edhe minimalisht, pezullohet ekzekutimi i kontratës, si shenjë e vullnetit të mirë nga ana e qeverisë, dhe derisa të gjykohet nga gjykata, kjo kontratë mund të administrohet nga një Administrator i zgjedhur nga shteti shqiptar. Unë mbetem ende në pritje të drejtësisë së re për rastin e koncesionit 30 vjecar të inceneratorit të Tiranës. Kam indicie që po i përgatis për t’i kthyer në prova dhe nuk do ndaloj për të zbardhur rolin e secilit, përfitimin e kujtdo, dhe vjedhjen më të madhe që i është bërë qytetarëve shqiptarë në 100 vjet shtet, falë gjithë qeverisë rilindase në bashkëpunim me Kryetarin e Bashkisë Tiranë, Erion Veliaj, dhe Kryetarin e Bashkisë Fier Armando Subashin, që për këtë të fundit është ushtruar një presion I jashtëzakonshëm për të mos u goditur bashkë me Alqi Bllakon për shpronësimin në Fier.”, tha Kryemadhi./Opinion.al

Pas