Kronikë nga ferri i dhimbjeve matanë e ka quajtur kryeministri Rama një kronikë të SkyNews ku tregohen pamje nga një spital në Cremona të Italisë ku po trajtohen të infektuarit me koronavirus.
Pamjet janë rrënqethëse. Me dhjetëra arkivolë mbajnë trupat e të vdekurve, në pritje për t’i cuar drejt krematoriumit. Në një dhomë tjetër shihen mjekët të cilën kujdesen për të mbajtur gjallë pacientët e sëmurë rëndë.
Këto pamje duhet të na shërbejnë për të mbledhur mendjen top dhe për të rezistuar shkruan Rama.
“Cremona, Itali, kronikë nga ferri i dhimbjeve matanë detit, që na shërben për të mbledhur mendjen top dhe rezistuar deri në fund, duke respektuar ligjin e luftës që të mos bëhemi pjesë e ferrit për një dalje kot nga shtëpia, për një mosmbajtje radhe me durim në pazar, për një harresë në larjen e duarve”. /Opinion.al
