Aktualitet

Kronika e “RAI3”, Policia: Partnerët italian të habitur me lajmin


Bëhu pjesë e Grupit Zyrtar të Opinion.al
>> KËTU <<
               Publikuar në : 14:22 - 28/01/20 |
Opi Nion

Pas kryeministri Edi Rama, ka ardhur dhe reagimi i Policisë së Shteti në lidhje me kronikën e transmetuar në televizionin Italian RAI 3. Në këtë kronikë thuhej se në Shqipëri kultivimi i kanabisit është 12 fishuar.

Ndërkohë, Policia shprehet se Drejtori i Përgjithshëm e ka përcjellë menjëherë shqetësimin e krijuar nga ky lajm tek partneret italianë dhe ka kërkuar prej tyre saktësimin e këtij informacioni pa asnjë bazë, i cili ka krijuar terren për spekulime politike dhe mediatike edhe në Shqipëri.

Partnerët italianë janë shprehur të habitur me lajmin në fjalë dhe kanë konfirmuar se ky lajm nuk bazohet në asnjë burim të drejtpërdrejtë informacioni të verifikuar, thekson Policia.

Çfarë thotë kronika

Nis sot udhëtimi ynë sot në Shqipëri që është gjithmonë e më shumë në darën e narkotrafikantëve, vendi në portat e Italisë dhe Europës, është në tratativa për të hyrë në Bashkimin Europian, një shpresë më shumë për shoqërinë civile për tu çliruar nga makthi i kriminalitetit. Prodhimi i kanabisit është kthyer në modë në Shqipëri.
Nga viti i kaluar është rritur me 1200% ose 12 herë mbjellja e kanabisit. Këtë e demonstron edhe një foto e kapur nga ajri, e marrë nga një raport policor që TG3 ka arritur të sigurojë. Janë 100 mijë rrënjë të fshehura në fusha të vogla të fshehura në male. Një lloj kanabisi i importuar nga Vietnami, i modifikuar gjenetikisht për të pasur një përqindje të lartë të drogës. Drejtori i Policisë Kriminale shqiptare, vetëm disa muaj më parë ka thënë se operacionet policore të zhvilluara në 2014, kanë pasur si qëllim shfarosjen e prodhimit të marijuanës në vend. Në fakt, bimët e gjetura vitin e kaluar janë më pak se 1 mijë, por tani të dhënat e këtij raporti të ri tregojnë një realitet mjaft të ndryshëm që mbahet ende i rezervuar. Nëpërmjet këtij trafiku të madh të marijuanës bën që Shqipëria të jetë një nga prodhuesit më të mëdhenj, është vënë re një disponibilitet i madh i mafias shqiptare që ka arritur të depërtojë lehtësisht në tregun e kokainës, në ato që quhen afera kriminale./ Opinion.al

Pas