Bota

Kreu i NATO-s bën thirrje për unitet në luftën kundër Shteti Islamik


               Publikuar në : 14:51 - 14/10/19 |
xhu lia

Sekretari i Përgjithshëm i NATO-s, Jens Stoltenberg u bëri thirrje vendeve aleate të qëndrojnë unike në luftën kundër grupit ekstremist Shteti Islamik.

Ndarjet në aleancën ushtarake janë shfaqur pasi Turqia, si anëtare e NATO-s, filloi ofensivën e saj në Siri, gjatë javës së kaluar.

Qeveritë e disa vendeve të BE-së e kanë kërcënuar me sanksione Ankaranë.

“Ne nuk duhet të rrezikojmë arritjet që kemi bërë kundër armikut tonë të përbashkët. Turqia është e rëndësishme për NATO-n. Ne rrezikojmë të dëmtojmë unitetin që na nevojitet në luftën kundër Shtetit Islamik”,-u shpreh Stoltenber.

Ofensiva turke në veri të Sirisë kundër luftëtarëve kurdë, është duke marrë shumë kritika.

Kurdët e Sirisë kanë qenë aleatë të Perëndimit në luftën kundër militantëve të Shtetit Islamik, mirëpo Turqia i konsideron ata terroristë.

Ankaraja zyrtare po synon krijimin e një zone të sigurtë në veri të Sirisë në mënyrë që siç thotë të kthejë miliona refugjatë sirianë që gjenden në territorin turk.

Autoritetet turke kanë kërcënuar vendet evropiane se mund të hapin portat dhe të drejtojnë këta refugjatë për në vendet evropiane.

Kancelarja gjermane, Angela Merkel ka kërkuar “ndërprerjen e menjëhershme të operacionit ushtarak” të Turqisë në Siri.

Këto komente ajo i bëri gjatë një bisede telefonike me presidentin turk, Recep Tayyip Erdogan.

Ndërkohë është raportuar se qindra shtetas të huaj, që kanë lidhje me grupin militant, Shteti Islamik kanë ikur nga një kamp në veri të Sirisë pas ofensivës së forcave turke.

Pas