Në një autokraci “i japim sovranit plotësinë absolute të pushtetit për të na shpëtuar të gjithëve”, pra “fuqi të plota në rast suksesi, por edhe përgjegjësi të plotë në rast dështimi”.
Kështu shkroi filozofi Alexander Dugin në Telegram në një sulm të ashpër ndaj Vladimir Putin pas tërheqjes në Kherson.
Raporton Mirror, duke shtuar se më vonë postimi (2 ditë më parë) është hequr.
“Asgjë kundër Surovikin”, kreu i operacioneve ushtarake në Ukrainë. Goditja nuk i drejtohet atij, është goditje për ju. Ju e dini kë”, shtoi Dugin duke iu referuar presidentit rus, sipas të cilit tashmë duhet ta paguajë edhe me jetë.
Në postimin shumë të gjatë në Telegram, Dugin, i cili konsiderohet si ideologu i Putinit, përdor tone të ashpra pas tërheqjes së Khersonit. “Një qytet rus, kryeqyteti i një rajoni, është dorëzuar, është lëshuar”, dhe tani “rusët qajnë dhe vuajnë”, shkruan ai. Dhe për të treguar personin përgjegjës për këtë dështim, Dugin reflekton mbi fuqinë ruse, në të cilën “sovranit i jepet pushteti absolut për të na shpëtuar të gjithëve në një moment kritik”. Dhe “nëse për të bërë këtë atij i duhet të rrethohet nga shpifësira apo të pështyjë mbi drejtësinë sociale, është sërish i justifikuar të na shpëtojë”. Përkundrazi, “nëse nuk na shpëton, fati i tij është ai i Mbretit të Shiut”, pra të vritet, shton Dugin, duke cituar një ese të antropologut dhe historianit të feve skoceze James Frazer.
Kujtojmë se pak kohë më parë, Dugin humbi në një atentat në periferi të Moskës vajzën e tij Daria, ndërsa Rusia akuzoi shëbimet inteligjente ukrainase për këtë akt./Opinion.al
