Pas rreth tre orësh nga nisja e procesit të votimit në vend, zëdhënësja e Komisionit Qendror të Zgjedhjeve, Drilona Hoxhaj, deklaroi se në disa qendra votimi ka patur problematika me pajisjet e identifikimit biometrik.
Sipas zëdhënëses së KQZ, kjo situatë është shfaqur pasi disa komisionerë nuk kanë marrë pjesë në votim.
“Ka patur disa problematika në disa qendra votimi. Disa komsionerë nuk kanë marrë pjesë në trajnime. Problematika ka të bëjë me përdorimin e pajisjeve”, theksoi Hoxhaj.
Po ashtu zëdhënësja e Komisionit Qëndror të Zgjedhjeve bëri me dije se në rreth 100 qendra votimi të thella ka filluar procesi i votimit manualisht.
“Rreth 100 qendra votimi të cilat nuk kanë qenë të pajisura me operatorë për shkak se janë në zona të thella dhe është filluar procesi i votimit manualisht. Deri tani ka pasur disa problematika në disa qendra. Në rreth 230 qendra votimi ka pas probleme për shkak të presionit ose për shkak të trajnimit për shkak të identifikimit elektronik por KQZ ka marrë të gjithë masat e nevojshme. S’ka patur problematika me kamerat në qendrat e votimit. Edhe kur s’ka energji elektrike ofrojnë monitorim edhe gjatë asaj periudhe”./Opinion.al
