Ministria e Shëndetësisë së Kosovës njoftoi se më 26 dhjetor janë regjistruar 12 raste të reja me koronavirus pas testimit të 2.430 mostrave.
Në 24 orët e fundit është shënuar një rast i vdekjes nga COVID-19, ndërsa në total numri i rasteve aktive është 349.
Sa i përket vaksinimit, në 24 orët paraprake autoritetet kanë administruar 768 doza të vaksinave kundër koronavirusit.
Që nga muaji mars, kur nisi fushata e vaksinimit e deri më tani, në Kosovë me dy doza të vaksinës janë vaksinuar 780.228 qytetarë.
