Sot do të jetë përpjekja e shtatë për konstituimin e Kuvendit të Kosovës. Në një cikël dështimesh nisur që nga 15 prilli, deputetët e zgjedhur nuk po arrijnë të konstituojnë legjislaturën e nëntë të dalë nga zgjedhjet e 9 shkurtit. Sot do të jetë përpjekja e shtatë dhe seanca do të nisë në orën 10:00.
Ngërçi është shkaktuar te propozimi i Lëvizjes Vetëvendosje për kreun e parlamentit. Partia fituese ka propozuar Albulena Haxhiu, por në katër votimet e kryera deri më tani ajo ka marrë nga 57 vota. Partitë e opozitës kanë kërkuar ndryshim të kandidatit, ndërsa Lidhja Demokratike ka thënë se nuk voton askënd. Në 48 orët e fundit, partitë nuk kanë paraqitur ndryshim qëndrimesh publikisht. Seanca konstituive është detyrim të mbahet çdo 48 orë pas ndërprerjes.
Kuvendi konsiderohet i konstituuar pas zgjedhjes së kryeparlamentarit dhe nënkryetarëve.
