Deputetja britanike Nadine Dorries është diagnostikuar me koronavirus. Ajo mban gjithashtu postin e një prej ministrave në Departamentin e Kujdesit Shëndetësor dhe Social në Mbretërinë e Bashkuar.
Dorries tha që ajo kishte marrë të gjitha masat e këshilluara pasi kishte zbuluar dhe ishte vetë-izoluar në shtëpi.
Deputetja për Mid Bedfordshire, tha në një deklaratë se Shëndeti Publik Anglez kishte filluar të gjurmonte njerëzit me të cilën ajo kishte patur kontakt.
62-vjeçarja, e cila filloi karrierën e saj si infermiere, më vonë ka postuar në Tëitter se “shpresonte të kishte kaluar më të keqen megjithëse ndihej e mërzitur”.
Por ajo shtoi se ishte e shqetësuar për nënën e saj 84-vjeçare që jetonte me të dhe kishte filluar të kollitej të martën.
Nuk dihet se në sa takime zonja Dorries kishte marrë pjesë në Westminster ose në elektoratin e saj ditët e fundit.
Departamenti i Shëndetësisë tha që ajo së pari tregoi simptoma të enjten e javës së kaluar, në të njëjtën ditë ajo mori pjesë në një ngjarje Downing Street të organizuar nga kryeministri dhe ishte vetëizoluar që nga e premtja.
Nuk ka ende një koment nëse kryeministri Boris Johnson i ishte nënshtruar testimit për koronavirus.
Të gjithë ministrat e shëndetësisë, përfshirë Sekretarin e Shëndetit, Matt Hancock, do t’i nënshtrohen testimit për virusin, së bashku me zyrtarë të tjerë që kanë rënë në kontakt me zonjën Dorries.
Numri i rasteve me koronavirus në Mbretërinë e Bashkuar përfshin 324 raste në Angli, 27 në Skoci, 16 në Irlandën Veriore dhe 15 në Uells.
Personi i fundit që vdiq ishte një burrë rreth të 80-ave i cili vunate nga simptoma të tjera që i kishin rënduar gjendjen shëndetësore. /Opinion.al
