Aktualitet

Koronavirusi po infekton shpejt, 1 në 3 të testuar dalin pozitivë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:08 - 19/11/20 |
Al Do

Ministria e Shëndetësisë raportoi sot një tjetër numër rekord infektimesh ditore me COVID-19, 789 raste të reja nga 2152 testime për gjurmime rastesh, duke mos llogaritur testimet e kryera për arsye depistimi.

Numri i shtuar i rasteve nuk vjen si pasojë e rritjes së numrit të testimeve. Nga një javë më parë e deri ditën e sotme, numri i testimeve gjurmuese është rritur me rreth 100 dhe çdo ditë është shënuar një rekord të ri rastesh të identifikuara.

Të premten e shkruar kishim 2051 testime për arsye gjurmimi ndërsa sot 101 më shumë. E megjithatë numri i rasteve nuk reflekton të njëjtën rritje pasi është rreth 300 më shumë. Një javë më parë u raportuan 490 infektime ditore ndërsa sot 789, rreth 60% më shumë.

Rritja e rasteve në vetvete nuk është aq problem sa çfarë është në fakt përqindja e të infektuarve që dalin nga testimet e kryera. Vetëm në një javë kjo përqindje është rritur nga 24% në 36.5%. Mesatarisht në harkun kohor të një jave incidenca ka qenë 30%, pra 1 në tre persona që testohen rezulton pozitiv.

Kjo padyshim që ka sjellë edhe shtim të numrit të personave që shtrohen në spitale, i cili sot është u raportua 424, 46 më shumë se një javë më parë. Kjo është një normë e lartë pasi rrezikon të mbushë shpejtë kapacitetet spitalore deri në fund të dhjetorit.

Aktualisht në Shqipëri numri i rasteve aktive e ka kaluar atë të të shëruarve ndërsa në 3 qytete, Tiranë, Durrës dhe Fier numri i të infektuarve ka kaluar 1 mij. Kryeqyteti mbetet vatra kryesore e përhapjes së pandemisë, me gjysmën e totalit të rasteve aktive, rreth 7,500 nga 15 mijë raste që ka i gjithë vendi.

Komiteti i ekspertëve megjithatë nuk ka zgjedhur të aplikojë masa shtrënguese në mënyrë të veçantë për qytete të veçanta por ato janë ende njësoj për të gjithë. Ndalim grumbullimesh dhe mbyllje e të gjithë aktiviteteve dhe njerëzve pas orës 22:00.

Rreth 2 javë pas njoftimit të mbylljes gjatë natës përhapja e pandemisë duket se nuk është ulur.

Shifra pesimiste janë edhe sa i përket të shëruarve të cilët çdo ditë raportohen të jenë mesatarisht sa gjysma e rasteve të reja të konstatuara. Pra për çdo të shëruar shtohen edhe dy raste të reja. /Opinion.al

Të dhënat e marra nga Ministria e Shëndetësisë
Të dhënat e marra nga Ministria e Shëndetësisë

Pas