Instituti Kombëtar i Shëndetësisë Publike ka deklaruar se në 24 orët e fundit në Kosovë janë regjistruar 77 raste të reja me koronaviurs.
Kjo është shifër më e ulët krahasuar me një ditë më parë, kur Kosova regjistroi numër rekord të të infektuarve me koronavirus brenda një dite, përkatësisht 141 raste.
Sipas njoftimit të IKSHPK-së, më së shumti raste të reja me Covid-19, janë regjistruar në Komunën e Prishtinës, përkatësisht 21.
Gjatë 24 orëve të fundit, sipas njoftimit, nuk është shëruar asnjë person, aktualisht numri i të shëruarve nga sëmundja Covid-19 vazhdon të mbetet 968.
Sipas të dhënave të fundit, në Kosovë, që prej shfaqjes së rasteve të para me koronavirus më 13 mars, e deri më tani, janë regjistruar 1.833 raste, prej tyre, 34 pacientë kanë vdekur.
