Autoritetet shëndetësore në Kosovë kanë regjistruar në 24 orët e fundit 245 persona të infektuar me koronavirus, pas ekzaminimit të 2,615 testeve.
Instituti Kombëtar i Shëndetësisë Publike ka njoftuar se në 24 orët e fundit janë regjistruar 3 viktima me këtë virus.
“Rastet e vdekjes janë nga komunat: Mitrovicë 1 rast (64 vjeç), Podujevë 1 rast (76 vjeç) dhe Suharekë 1 rast (62 vjeç)”, është thënë në njoftim.
Ndërkaq bëhet me dije se të martën janë shëruar 189 persona, derisa raste aktive janë 6,429.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 60.745 persona të infektuar me këtë virus. Prej tyre, 1,506 pacientë kanë vdekur që prej fillimit të pandemisë.
