Të tjera detaje janë zbardhur lidhur me ngjarjen e rëndë në lagjen nr.15 të Korçës, ku një foshnje u gjete e pajetë brenda një valixheje. Nëna pasi solli në jetë fëmijën e futi atë një valixhe, gjë e cila i shkaktoi vdekjen.
Dyshohet se gruaja që solli në jetë vuan nga problemet e shëndetit mendor, ndërsa në kohën që ka ndodhur ngjarja, bashkëshorti i saj nuk ndodhej në Shqipëri. Vet bashkëshorti ka pohuar se nuk ka patur dijeni se gruaja e tij ishte shtatzënë.
Ai tregoi se para 1 muajsh kishte ardhur nga Greqia në banesën e tij dhe gjatë kësaj kohe kishte ndjerë aromë të keqe në banesë.
Pas zbulimit tronditës, se një valixhe e fshehur në dollap kishte brenda trupin e foshnjës, ai njoftoi i alarmuar policinë.
Kjo e fundit nisi hetimet, ndërsa trupi i pajetë i foshnjës po i nënshtrohet ekspertizës mjeko-ligjore. Burri në dëshminë e tij para oficerëve tha se nuk kishte pasur raport intim me bashkëshorten e tij dhe se për një vit nuk kishte qenë në banesë, ndaj pretendonte se nuk ishte babai i fëmijës.
Aktualisht gruaja ndodhet në maternitetin e spitalit të Korçës, ku po merr mjekimin e nevojshëm.
