Një çift bashkëshortësh mbetën të plagosur në një aksident në aksin rrugor Korçë-Bilisht.
Ngjarja ka ndodhur në afërsi të fshatit Belorta, ku mjeti tip “Nissan” me targa KO 9732 B, ka dalë nga rruga dhe ka përfunduar në një arë.
Si pasojë e aksidentit, është dëmtuar drejtuesi i mjetit Panajot Dajko 50 vjeç dhe bashkëshortja e tij shtetasja V.Dajko 48 vjeçe, pasagjere në mjet.
Dy të plagosurit nga Lavdari, u transportuan në Spitalin e Korçës për mjekim, ku ndodhen jashtë rrezikut për jetën.
Grupi hetimor po punon për zbardhjen e rrethanave të ngjarjes dhe për të përcaktuar shkaqet e aksidentit.
