Kryetari Kuvendit, njëherazi Kreu i Lëvizjes Socialiste për Integrim, Ilir Meta gjatë konventës kombëtare të LSI u shpreh se kjo forcë ka partneritet me dialogun dhe stabilitetin, teksa nuk pranon konfliktualitetin.
Meta tha se LSI është që mban lart zjarrin e optimizmit, duke parë mundësi zgjidhje në çdo problem dhe duke luftuar kundër politikës së konfliktit dhe ndasisë.
“Jemi këtu pasi siguruam një proçes demokratik, gjithëpërfshirës zgjedhor.
Falenderojë të gjithë anëtarët e LSI që morën pjesë në këtë model europian të ndërtuarit të zgjedhjeve brendave të LSI. Falenderojë kandidatët Shezair Rrokaj dhe Deputetin Përparim Spahiu. Ata i dhanë një larmi më të madhe konkurimit brenda partisë dhe me idetë e tyre pasuruan LSI me ide dhe vizion.
Qëllimi ynë në këtë konventë është që LSI të forcojë praninë e saj në rradhët partive të shëndetshme në transparencë, llogaridhënie dhe vazhdimësi. LSI udhëton me forcën më të madhe të saj, që janë kritika dhe modestia. LSI ka qenë dhe do të jetë një parti ku është diskutuar dhe debatuar idetë e çështjes që na shqetësojnë, dhe gjithësecili ka zërin e tij në vendim-marrje. LSI është forca e garës së vizioneve. Ne si forcë politike kemi përgjegjësi kombëtare mbajtjen ndezur të zjarrit të optimizmit, që ëndrrat e të rinjëve të bëhen realitet. Politika është arti i të mundshme, prandaj dhe ne bëjmë premtime jo të bujshme, por të realizueshme. Ne i japim rëndësi mbajtjes së fjalës dhe puna është kriteri që garanton fillimin dhe që na çon përpara në çdo hap tonin. Ky është një tjetër sekret i forcës sonë”, shtoi Meta, i cili pranoi se LSI e sheh në sy të metat që mund të ketë në rrugëtimin e saj për të ndrequr gabimet.
Meta tha se, LSI nuk ka partneritet me konfliktualitetin, pasi sjell prapambetje, pesimizëm dhe ndasi, në jemi për bashkëpunim dialog dhe zhvillim.
Kryetari LSI, kujtoi se forca e tij politike ka dhënë një kontribut të rëndësishëm në stabilitetin e vendit.
“Kemi dhënë një kontribut të rëndësishëm për ndalimin e armëve kimike, për miratimin me konsensus të Reformës në Drejtësi… Kemi qenë besnik në koalicionet e bëra ashtu sid he me PS. Politikat e njëanëshme krijojnë konflikte të panevojshme jo vetëm brenda koalicionit, por dhe në grupet e interesit. Besojë se koalicioni jonë ka ende rrugë për të bërë”, tha Meta.
