Bota

Kontrolle në zyrën e Sebastian Kurz, kancelari akuzohet për favorizim korrupsioni


Bëhu pjesë e Grupit Zyrtar të Opinion.al
>> KËTU <<
               Publikuar në : 16:49 - 06/10/21 |
el ida

Kancelari austriak Sebastian Kurz është nën hetim për “favorizim dhe mbështetje të korrupsionit”. Kështu shkruajnë në faqet e tyre online, gazetat vendase, “Die Presse” dhe “Der Standard”.

Njëkohësisht po hetohen edhe bashkëpunëtorët e ngushtë të udhëheqësit të partisë popullore Oevp, veçanërisht stafi i shtypit. Hetimi ka të bëjë me sondazhet e publikuara nga gazeta “Oesterreich” dhe TV privat “oe24”, të dyja në pronësi të familjes Fellner. Këto sondazhe do të paguheshin nga Ministria e Financave, por “ekskluzivisht për qëllime partiake”. Hetuesit gjithashtu duan të  qartësojnë raportin për më shumë se 1.3 milion euro reklama në media nga Fellners.

Gjatë mëngjesit të sotëm në zyrën e kancelarit në Vjenë e po ashtu edhe në selinë e partisë, policia ka ushtruar kontrolle. Interesi i hetuesve, sipas mediave, kishte për qëllim kryesisht dokumentet dhe kompjuterat e “bashkëpunëtorëve të ngushtë” të Kurz./Opinion.al

 

 

 

Pas