Alexandra Ocasio-Cortez pretendon se nuk është në gjendje të përballojë një apartament në Uashington, D.C., derisa ajo të fillojë të mbledhë pagën e saj në Kongres. Por të dhënat tregojnë se ajo ka më shumë se mjaftueshëm për një apartament në kryeqytetin e SHBA.
29-vjeçarja, e zgjedhur kongresmene,mori famë, pasi mundi republikanin e tanishëm 10-vjeçar, Joe CroWley, në Nju Jork, në qershor. Dhe u zgjodh për të përfaqësuar rrethin e 14-të të Kongresit të Shtetit javën e kaluar.
Pas muajsh të nxjerrjes në pah të një imazhi si një demokrate e klasës punëtore, Ocasio-Cortez i tha New York Times menjëherë pas fitimit të përgjithshëm në 6 nëntorit të saj se ajo nuk do të jetë në gjendje të përballojë një apartament në zonën e Uashingtonit. Të paktën jo deri sa të fitojë $ 174,000- dollarë rrogë vjetore në vitin e ardhshëm. Qiraja mesatare në D.C është 2.700 dollarë, sipas Zillow-it në faqen e pasurive të patundshme.
“Kam tre muaj pa pagë para se të jem anëtare e Kongresit. Pra, si mund të marr një apartament? Këto gjëra të vogla janë shumë reale, “tha Ocasio-Cortez për The New York Times.
Shumica kanë marrë pretendimet e Ocasio-Cortez në vlerën e tyre nominale. Duke e lavdëruar atë për tërheqjen e vëmendjes ndaj krizës së strehimit. Dhe se sistemi zgjedhor është projektuar për të dekurajuar njerëzit e klasës punëtore nga kandidimi për Kongres.
Por duket se pretendimet e saj për vështirësi financiare janë nën shqyrtim të mëtejshëM. Përveç nëse Ocasio-Cortez ka shpenzuar kursimet e saj si 1 përqind e vendit. E kështu përfundoi pa para në dorë pas zgjedhjeve.
Ocasio-Cortez e la punën e saj si kamariere në një bar në Nju Jork në mes të shkurtit. Dhe thuhet se filloi të jetojë me kursimet e saj dhe të ardhurat e partnerit të saj në një apartament me një dhomë gjumi me qira, me një pagesë prej rreth 1.850 dollarë në muaj. Kështu që ajo mund të përqëndrohej në fushatën e saj kundër Crowley.
Ajo raportoi se kishte diku mes 15,001 dhe 50,000 dollarë në llogarinë e saj që nga fundi i prillit 2018, sipas një raporti të publikimit financiar që ajo i dorëzoi nëpunësit të Dhomës së Përfaqësuesve të SH.BA-së.
Dhënia e informacioneve financiare gjithashtu zbuloi se ajo ka një llogari investimi me vlerë mes 1,001 dhe 15,000 dollarë.
Kjo e vë demokratin socialiste mbi shumicën e familjeve amerikane, bilanci i llogarisë mesatare të të cilave është 3,400 dollarë, sipas sondazhit më të fundit të Rezervës Federale në vitin 2016.
Midis Milenials, bilanci mesatar është rreth 1,400 dollarë. Kjo gjithashtu do të thotë që për të që të mos ketë një apartament në Uashington, ajo duhet të ketë harxhuar të gjitha kursimet e saj – potencialisht duke filluar deri në $ 50,000 në vetëm tre muaj kur ajo nuk po merrte ndonjë të ardhur.
Ocasio-Cortez nuk ka fituar asnjë të ardhur deri në gusht, kur ajo filloi të mbledhë një pagë nga fushata, një mundësi që shumë kandidatë politikë e marrin si të mirëqënë që duhet të lënë punën e tyre të përditshme për fushatën.
Ajo ka marrë 6.200 dollarë pagë nga fushata e saj që nga gushti. Kontrolli i saj më i fundit ishte për $ 1,288.96 në mes të tetorit, vetëm disa javë përpara ditës së zgjedhjeve.
Ocasio-Cortez është shkëputur nga kjo çështje, duke thënë se çështja e banesës së saj po zgjidhet dhe ajo “po punon”mbi këtë. Fushata Ocasio-Cortez nuk iu përgjigj pyetjeve të përsëritura të Fox News për këtë artikull./Përshtati: Elida Marvataj, Opinon.al
Burimi: Fox News
