Rajoni

Kongresmeni amerikan i bën thirrje BE-së të liberalizojë vizat me Kosovën


               Publikuar në : 12:01 - 17/07/19 |
el ida

Gjatë qëndrimit në Shtetet e Bashkuara, kryetari i Kuvendit të Kosovës, Kadri Veseli, ka takuar kongresmin, njëherësh kreun e Komitetit për Marrëdhënie me Jashtë, Eliot Engel.

Sipas një komunikate nga zyra e kryetarit të Kuvendit, kongresmeni Engel ka thënë se Shtetet e Bashkuara do të vazhdojnë të jenë përkrah Kosovës në të gjitha proceset që ajo ka para vetes.

“Bashkimi Evropian duhet të ndërmarrë hapa të shpejtë për liberalizimin e vizave për qytetarët e Kosovës dhe të punojë bashkë me Kosovën në proceset euro-integruese”, ka thënë Engel.

Në këtë takim, Veseli dhe kongresmeni, Engel diskutuan edhe për nismën e kryeparlamentarit për dënimin e krimeve që Serbia ka kryer në Kosovë. Engel tha se “kriminelët duhet të përgjigjen para drejtësisë për të gjitha krimet që kanë kryer ndaj popullit civil gjatë luftës në Kosovë”./Opinion.al

Pas