Shqipëria ka shkëmbime tregtare me Ukrainën dhe Rusinë. Në një intervistë për Tv Klan, Kreu i shoqatës së eksportuesve, Alban Zusi thotë se konflikti në Ukrainë do të ketë impakt edhe në ekonominë shqiptare.
“Ne kemi marrëdhënie tregtare me të dyja shtetet Ukrainën dhe Rusinë. Nga Rusia importojmë ndërsa nga Ukraina importojmë dhe eksportojmë. Dhe ky konflikt ka për të patur impakt ne ekonominë shqiptare si atë globale”, tha Zusi.
Për shkak se Shqipëria shumicën e drithërave e importon nga Rusia, pritet të ketë një rritje të çmimeve të këtyre produkteve.
“Padiskutim që do të ndihet tek produktet ushqimore me bazë drithëra, buka, makaronat apo derivatet e tyre. Pjesërisht pjesa e drithërave të cilat do të rriten pasi Rusia është tregu kryesor që furnizohemi me drithëra. Ndërkohë që Ukraina do të japë impaktin e saj në uljen e eksporteve. Do kemi rënie të eksporteve të fruta perimeve”.
Ndërsa drejt Ukrainës eksportet shqiptare të fruta-perimeve kapin vlerën e 5 mln Euro në vit të cilat do të kthehen në kosto për biznesin për shkak të mbylljes së rrugëve tregtare./ Tv Klan
