Bota

Konflikti në Nagorno-Karabak/ Takimi i fundit i hap dyert armëpushimit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:30 - 25/10/20 |
Al Do

Teksa konflikti mes Azerbajxhanit dhe Armenisë në rajonin e Nagorno-Karabakut vijon të marrë jetë njerëzish, palët duken afër një armëpushimi.

Sipas një deklarate të lëshuar nga bashkëkryetarët e Grupit të Minskut në OSBE, bëhet me dije se ditën e djeshme është zhvilluar një takim në Uashington rreth kushteve të një armëpushimi.

Në takimin e përmendur kanë marrë pjesë përfaqësuesit e SHBA, Fracës dhe Rusisë nga Grupi i Minskut, ministrat e Jashtëm të Azerbajxhanit dhe Armenisë, zv. Sekretari i Shtetit i SHBA, Stivën Biegën, përfaqësuesi i Kryetarit të OSBE-së , Andrej Kasprzhik.

Gjatë diskutimeve të tyre intensive, Bashkëkryetarët dhe Ministrat e Jashtëm diskutuan zbatimin e një armëpushimi të menjëhershëm humanitar, parametrat e mundshëm për monitorimin e armëpushimit dhe fillimin e diskutimit të elementeve thelbësorë të një zgjidhjeje gjithëpërfshirëse, në përputhje me Deklaratën e Përbashkët të 10 Tetorit. Bashkëkryetarët dhe Ministrat e Jashtëm ranë dakord të takohen përsëri në Gjenevë në 29 Tetor për të diskutuar, arritur marrëveshje dhe për të filluar zbatimin, në përputhje me një afat kohor për të cilin do të bihet dakord, mbi të gjitha hapat e nevojshëm për të arritur një zgjidhje paqësore të konfliktit të Nagorno-Karabakut në përputhje me parimet themelore të pranuara nga udhëheqësit e Azerbajxhanit dhe Armenisë.”, thuhet në deklaratën e Grupit të Minskut.

Konflikti i armatosur midis Azerbajxhanit dhe popullsisë etnike armene ka nisur më 27 shtator rreth rajonit të Nagorno-Karabakut. Ky rajon ndodhet në territorin azer por kontrollohet dhe qeveriset nga popullsi etnike armene.

Të dyja palët kanë pretendimet e tyre mbi rajonin. Azerbajxhani akuzon Armeninë se kërkon të aneksojë territore ndërsa Jerevani akuzon qeverinë në Baku se po kërkon të kryejë një gjenocid ndaj një popullsie që jeton prej shekujsh në atë rajon.

Konflikti i fundit mes palëve është më i ashpri që prej arritjes së armëpushimit të tyre në vitin 1997. Deri tani ende nuk ka një shifër të saktë për numrin e viktimave por dyshohet se mund të ketë arritur në 1 mijë duke përfshirë edhe civilë. /Opinion.al

Pas